कैलाली । कैलालीको टीकापुरस्थित सशस्त्र प्रहरी बल नेपालको राजस्व भन्सार तथा औद्योगिक तालिम शिक्षालयमा तालिमरत ७ जना सशस्त्र प्रहरी जवान बेहोस भएका छन् । उनीहरू जवान आधारभूत तालिमका क्रममा अचानक बेहोस भएको बताइएको छ ।
सशस्त्र प्रहरीका सहप्रवक्ता डीएसपी शैलेन्द्र थापाका अनुसार बेहोस भएका मध्ये ६ जनालाई नेपाली सेनाको स्काई ट्रकमार्फत थप उपचारका लागि काठमाडौं ल्याउन लागिएको छ ।
उनले रातोपाटीसँग कुरा गर्दै भने, “उताबाट स्काई ट्रक काठमाडौंका लागि उडिसकेको छ ।”
घटनामा एक जना जवानको अवस्था सामान्य रहेको सशस्त्र प्रहरीले जनाएको छ । अन्य जवानहरूको स्वास्थ्य अवस्था तथा बेहोस हुनुको कारणबारे थप विवरण आउन बाँकी रहेको छ ।
प्रतिक्रिया
सम्बन्धित खवर
